पिपलकोट १ की १८ वर्षीया सपनाकुमारी भण्डारीले नतिजामा चित्त नबुझेपछि आत्महत्या गरेको जिल्ला प्रहरी कार्यालय बझाङका प्रहरी नायब उपरीक्षक नरेन्द्र चन्दले बताएका छन् ।
सँगैकी साथी राम्रो ग्रेडमा पास हुँदा आफ्नो न्यून ग्रेड आएको भन्दै आत्महत्या गरेको भन्ने बुझिएको उपरीक्षक चन्दले जनाए ।
मृतक छात्राले बुङगलस्थित बटुलसेरा कन्या माविबाट एसएलसी परीक्षा दिएकी थिइन् । बिहीबार एसएलसी परीक्षाको नतिजा सार्वजनिक भएको दिन न्यून ग्रेड ल्याएको भन्दै भण्डारीले रुखमा झुन्डिएर आत्महत्या गरेको कन्या माविका शिक्षक अक्कल कुँवरले बताएका छन् ।
उनले विद्यालयका जेहेन्दार विद्यार्थीले यसरी आत्महत्या गर्दा विद्यालय परिवार दुखित भएको जनाएका छन् । सिम्बोल नम्बर ०७०२५२० भएकी भण्डारीले डी प्लसमा १ दशमलव ३० जिपिए ग्रेड ल्याएकी थिइन्।
हिजो सँगैको साथी राम्रो ग्रेडमा पास हुँदा आफ्नो न्यून ग्रेड आएको भन्दै बझाङकी एक छात्राले गरिन् झुन्डिएर आत्महत्या
