money
आफूले अध्ययन गरेको विद्यालयको गुणस्तरीय शिक्षाका लागि जनता उच्च मावि कावासोती नगरपालिका–६ विष्णुनगरबाट २०६२ सालमा एसएलसी परीक्षा दिएका विद्यार्थीले एक लाख ५० हजारा रुपैयाँ बराबरको अक्षयकोषको स्थापना गरेका हुन् ।
विद्यालयमा अध्ययन गर्ने गरिब, जेहेन्दार, अपाङ्ग तथा अशक्त विद्यार्थीलाई छात्रवृत्ति प्रदान गर्ने उद्देश्यले भूतपूर्व विद्यार्थीको पहलमा अक्षयकोष स्थापना गरिएको पूर्व विद्यार्थी किरण भुर्तेलले जानकारी दिए ।
स्वर्गीय गोपाल भुसाल एवम् सम्पूर्ण स्वर्गवासी भूपू विद्यार्थीको स्मृति अक्षयकोष नामाकरण गरिएको उक्त अक्षयकोषमा भूतपूर्व विद्यार्थीले सङ्कलन गरेको नगद एक लाख रुपैयाँ र स्व गोपाल भुसालको परिवारको नगद ५० हजार रुपैयाँ गरी कोष स्थापना गरिएको हो ।
भूतपूर्व विद्यार्थीको प्रयासबाट नै विद्यालयमा आगामी दिनमा विभिन्न किसिमका शैक्षिक क्रियाकलाप सञ्चालन गरिने उमेश डुम्रेले जानकारी दिए ।
अध्ययन तथा रोजगारीका लागि विभिन्न क्षेत्रमा रहेका विद्यार्थीले विद्यालयको शैक्षिक प्रगतिका लागि आगामी दिनमा थप नयाँ कार्यक्रमसमेत सञ्चालन गर्ने जनाएका छन् ।
गरिब तथा जेहेन्दार विद्यार्थीका लागि डेढ लाखको अक्षयकोष स्थापना -
