काठमाडौं, २ असार । प्रवेशिका परीक्षा (एसएलसी)को नतिजा सार्वजनिक भएको छ ।
परीक्षा नियन्त्रक कार्यालय भक्तपुरले शिक्षा विभागमा पत्रकार सम्मेलन गरी एसएलसीको नतिजा सार्वजनिक गरेको हो ।
यस वर्षदेखि पहिलोपटक एसएलसी परीक्षाको नतिजा ग्रेडिङ प्रणालीमा सार्वजनिक गरिएको परीक्षा नियन्त्रक कृष्णप्रसाद काप्रीले जानकारी दिए ।
उनका अनुसार यसवर्षको परीक्षामा कोही फेल भएका छैन् । सबै विद्यार्थी ग्रडिङ प्रणालीमा पास भएका छन् । एसएलसी सुरुवातको ८२ वर्षपछि पहिलो पटक कोही फेल नहुनेगरी परीक्षाको नतिजा सार्वजनिक गरिएको उनले बताए ।
एसएलसी परीक्षा गत चैत १८ देखि २९ गतेसम्म सञ्चालन भएको थियो ।
कसरी हेर्ने नतिजा ?
परीक्षा नियन्त्रक कृष्णप्रसाद काप्रीका अनुसार एसएलसी रिजल्टका लागि परिक्षा नियन्त्रण कार्यालय नेपाल टेलिकमसहित बिभिन्न सेवा प्रदायकसँग सम्झौता गरेको छ । बिभिन्न अनलाइन र एसएमएस सर्भिसमार्फत् पनि नतिजा थाहा पाउन सकिने छ ।
यसका लागि वेबसाइट www.moe.gov.np, wwww.doe.gov.np, www.soce.gov.np, www.slcresult.soce.gov.np, www.slc.ntc.net.np, नेपाल टेलिकमको CDMA, Postpaid, prepaid मार्फत १६०० नं डायल गरी प्राप्त सन्देशअनुसार नतिजा प्राप्त गर्न सकिने छ । त्यसैगरी SMs बाट नजिता थाहा पाउन PQm\N, CDMA, Postpaid, prepaid मोबाइलको मेसेज बक्समा गएर slc space सिम्बोल नं र अल्फाबेट टाइप गरी १६०० एसएमएस पठाउन सकिनेछ ।
त्यसैगरी सवैभन्दा पुरानो एसएलसी नतिजासम्बन्धी एसएमएस सेवा प्रदायक स्प्यारो एसएमएसबाट सेवा लिनका लागि SLC टाइप गरी स्पेश दिएर आफ्नो सिम्बोल नम्बर टाइप गरी ३५००१ मा पठाउन सकिने छ ।
यसैगरी स्प्यारोको एन्ड्रोइड एपमार्फत् पनि रिजल्ट थाहा पाउन सकिने छ ।
एसएलसी परीक्षाको नतिजा सार्वजनिक (नतिजासहित)
